Mr. Porter 我的時尚起點

每個人都有一個開始了解時裝、名牌既故事。
我開始研究高端時尚源於幾個因素，最重要既一環就係銷售渠道。

係香港，買名牌時裝超級簡單，一行出街。
一間又一間既專門店、時裝百貨公司，已經係自己附近。

專門店、百貨公司買名牌固然係方便，但上網買更加吸引我。
無傳統束縛，無一種無形既壓力，無空間既限制，
我可以放心咁去睇唔同牌子既款式、設計，更加可以跨品牌做比較。

Mr. Porter係我第一個開始留意時裝既網站。
因為Kingsman既合作，應該有唔少人留意過呢個網站。
Mr. Porter對比好多網站而言，算係一個比較易「入口」既男士高端時尚網站。

Mr. Porter黎自英國，男士高端時尚既銷售網站，相反Net-A-Porter就賣女裝。
兩者屬於同一個集團，係一個頗大型既高端時尚銷售集團。

男士高端時尚當中，我認為Mr. Porter既配套、流程，係網上銷售中都比較好既。

Mr. Porter產品選擇主要係可用性高、容易配搭既款式，相對少一極度前衛既款式，
整體觀感上都係「型格」、「有品味」既態度為主。
Mr. Porter由返工衣著、日常配搭到運動裝束都囊括，而且款式相對「穩陣」，容易搵到岩自己，而且可以長期用到既野。

除左產品之外，價錢相信都係好多人關注既問題。
Mr. Porter產品定價同官方一樣既有，比專門店平既都有。
當然，定價平唔係無原因既，例如租金、稅項、匯率、物流費用都有影響。
不過，普遍睇到既定價都會比香港平，呢個係Mr. Porter其中一個優點。

Mr. Porter既配套我會覺得比較好，主要因為整體購物體驗都完善。
功能上，Mr. Porter不單止買野，都有欲購清單、低貨量顯示、一對一解答。
而係產品展示、介紹、呎寸、各種常見問題、條款都寫得幾清楚。
上網買野可能經歷既問題同疑慮，Mr. Porter都已經有相應既解答，
例如貨物真假、購物過程、運費、退貨、呎寸量度、安全性既問題都有。

運費方面，全部香港既訂單，運費都係免費既，
而且用DHL，不過一航空限制物品就唔送既，例如壓縮氣體、易燃物品。
退貨退款都算方便，而且退貨係完全免費既。
根據個人經驗，每個訂單到手都有齊文件、單據、退貨指引，只要跟住步驟做都唔難。
退款亦可以揀退返信用卡或者退同價Credit一年內用。

特價既話，Mr. Porter一年主要兩次特價，暑假同聖誕，
實際每年都會唔同，普遍就父親節後同聖誕假期前幾日。
Mr. Porter更加有一個對消費者幾好既政策，
如果特價前七日內買既野特價，Mr. Porter會退返差額。
當然，咁樣既政策下，一般時間都唔會出現減價野、特別優惠。
即使有，多數都係免郵費，不過香港已經一直免郵。

整體上，Mr. Porter每樣程序都有系統，出錯機會低，適合要求安全穩陣既人。
買野只需要注重比較自己既選擇，無需要太憂慮網站功能、送件既問題。

產品：「型格」、「好品味」、「穩陣」款較多
價錢：普遍比官方定價平
配套：購物體驗完善，指引、產品展示清晰，無需要顧慮太多平台上既問題。